Петропавл қаласында орналасқан «Eurasian Milk» ЖШС сүт зауытына Солтүстік Қазақстан облысының әкімі Ғауез Нұрмұхамбетов келді.

Облыс басшысы қазіргі уақытта жұмыс істеп тұрған цехтармен танысып, соңғы 5 жылда жүргізілген өндіріс модернизациясының нәтижесінде зауыт Қазақстандағы ең заманауи кәсіпорындардың біріне айналғанын атап өтті.

Сүтті қабылдау және өңдеу неміс технологиясымен жүргізіледі, сары май швейцариялық жабдықта, ал ірімшік австриялық технологиямен өндіріледі. Моцарелла итальяндық линиямен шығарылады.

Өндіріс технологиясынан бөлек, неміс, бельгиялық және американдық жабдықтары қолданылып, зауыттың энергиямен қамтамасыз ету жүйесі жоғары деңгейде ұйымдастырылған.

Қазіргі таңда 5000 шаршы метр жаңа өндірістік корпус, 1000 шаршы метр қосалқы технологиялық жабдықтары цехы және 1200 шаршы метр бу қазандығы цехы құрылыс жұмыстары жүргізілуде. Нысан 2025 жылдың күзінде пайдалануға берілуге жоспарлануда.

Облыс әкімі кәсіпорынның жоғары өндірістік әлеуетін атап өтіп, Холдингтің аймақтық және ұлттық тамақ өнеркәсібін дамытуға қосқан маңызды үлесін ерекше атап өтті.